Kimochi : Шүүс гаргаж авах, хадгалах арга ажиллагаа

Шүүс гаргаж авах, хадгалах арга ажиллагаа

Үйлдвэрлэлд хүлээн авсан түүхий эдийн шүүсний гарцыг сайжруулахын тулд, шүүсийг шахаж гарган авахын өмнө боловсруулалт хийнэ.
Механик боловсруулалт хийх Бараг бүх төрлийн жимс жимсгэний шүүсийн шахахаас өмнө бяцлах, няцлах болон бусад механик үйлчлэлд оруулна.
Бяцлах: Жимс жимсгэний эсийн 75%-ийг гэмтээж бяцлах шаардлагатай. Бяцалсан түүхий эд сүвэрхэг бүтэцтэй болсноор шүүс гоожих сувгууд үүсдэг. Жимс жимсгэний зүйл, сорт, зөөлөн эдийн хэмжээ, шүүс ялгаруулах өвөрмөц чанараас шалтгаалан жижиглэх хэмжээг тогтооно. Хэт том бол эсийн ихэнх хэсэг гэмтэж эвдрээгүйгээс шүүсний гарц багасна. Хэтэрхий жижиглэвэл шахуургадах үед шүүс ялгарч урсах зай завсар үүсдэггүй учир шүүс гарахгүй. Аль болох богино хугацаанд бяцлахгүй бол шүүсний хүчил төмрийг уусгаж бүтээгдэхүүний чанарыг муутгана.

Халуун боловсруулалт хийх Өндөр хэмд уургийн протоплазмыг задлан эсийн нэвтрэлтийг нэмэгдүүлэхэд үндэслэгдэнэ. Жимс жимсгэнийг бяцалсаны дараа +65+85 С халуун ус буюу халуун уураар халаана. Энэ хэмдээ 5-10 минут болгоод түргэн хугацаанд хөргөж, нэг хоног байлгасны дараа шүүсийг шахаж гарган авна.
Шүүсийг шахуургадан гарган авах: Шахуурагадах бол жимсний шүүсний үйлдвэрлэлийн шүүс гарган авах үндсэн арга юм. Жимсээ бяцалж шүүсний гарцыг нэмэгдүүлэх арга хэмжээ авсны эцэст шахуургадаж цэвэр шүүс гаргаж авна. Жимсээ шүүс чөлөөтэй нэвтрэх саванд хийгээд зэвэрдэггүй ган биетэй эсвэл модоор хийсэн шахуургаар зөөлөн шахна. Жимсийг шахуурагадсаны дараа хуурай махлаг эд ба хальс нь үлдэнэ.

Найрлага бэлтгэх: Найрлагын саванд шүүсэн ус тооцоолсны дагуу авна. Хэмжиж авсан элсэн чихрээ бага багаар нь тасралтгүйгээр хийж 15 минутын турш тасралтгүй хутгана. Сироп бэлэн болмогц дээр нь жимс жимсгэний ханд, хүчил, витамины бэлдмэл болон үнэр оруулагч бодисуудыг хийж 10 мин хутган жигдрүүлнэ.
Тунгалагжуулаагүй шүүс. Алим, аньс жимсээр тунгалагжуулаагүй шүүс үйлдвэрлэж болно. Нэг удаагийн шүүлтээр шүүсэн дэх коллоид системийг үүсгэгч уураг, пектин, геммицеллюлоз мэт өндөр молекулт нэгдэл бараг өөрчлөлтгүй үлддэг учир бүтээгдэхүүн тунгалаг биш боловч тэжээллэг чанар, амт, үнэрээр тунгалагжуулсан шүүснээс илүү байдаг. Шүүс үйлдвэрлэх технологийн явцад үндэслэл багатай олон янзын хугацаатай халаалтыг аль болох бага хугацаанд гүйцэтгэвэл зохино. Удаан хугацаагаар олон дахин халаах нь витамин зэрэг биологийн идэвхит бодисын алдагдлыг ихэсгэн меланиодины төрлийн бодисны хэмжээг ихэсгэж түлэнхий амттай болгодог. Иймээс халаах гормийг зөв нарийн баримталбал зохино. Найрлагын нягтралыг үзээд бэлэн болсон найрлагыг 80-85 С хэмд халааж 30-60 минут барьж ариутгана.

Ариутгах ажиллагаа Бараг бүх төрлийн нахиалан хуваагдаж үрждэг бичил биетэн 30 мин турш 80-850С-ын температурт устдаг. Энэ дүгнэлтийг хүнсний болон зарим үйлдвэрийн технологийн процесс дахь ариутгалын онолын үндэс болгон мөрдсөөр иржээ. Ариутгасан шүүсээ шүүж, урьдчилан угааж, ариутган бэлтгэсэн лонхонд вакумжуулсны дараа шүүсийг савлана. Савласан шүүсийг бөглөсний дараа хүйтэн усан хөргөлттэй хөргөгчөөр дамжуулан 30 С хэмтэй болтол хөргөөд шошгыг хийж бэхжүүлнэ. Савласан бүтээгдэхүүнийг шалгагч гэрлээр дамжуулан шалгаж, он, сар, өдрийг тавина.
Ариутгасан шүүсийг шалгах арга. Савлаж ариутгасан шүүсийг хуурай сэрүүн ердийн агуулахад 6-7 хоног хадгална. Энэ хугацаанд эсч муудсан, хөгцөрч булингаржсан шинж ажиглагдахгүй бол цаашид хадгалж болох ба гадагш нийтийн хэрэгцээнд гаргахыг зөвшөөрнө.

Хадгалах
  0-150С хэмд хадгална. Хадгалах явцад савласан шүүсэнд хий үүсэх, микробын хөгцний булингар илэрсэн байвал тийм шүүсийг устгах ёстой.
Шүүс байдлаар хадгалах арга Шүүсийг шахаж гаргасны дараа дулааны боловсруулалт хийх буюу шууд элсэн чихэийн уусмалд хадгалж болно.
Дулаанаар боловсруулах арга: 850С дулаанд 15-20 минут болгосны дараа шилэн лонхонд савлаж бөглөөд 850С хэмтэй усанд 15-20 минут ариутгана. Тасалгааны хэмд 10-12 сар хадгалана.
Элсэн чихрийн уусмалаар хамгаалалт хийх арга: 70-75%-ийн элсэн чихрийн уусмалд жимсний шүүсийг 1:1 хэмжээтэй хийж шилэн саванд савлан сэрүүн өрөөнд 6-12 сар хадгална.

Ус Ус нь хуурай бодисыг биедээ уусгаж өөрөө бусад түүхий эдийн адил ундаанд оролцохын зэрэгцээ хүний бие организмд зайлшгүй шаардлагатай байдаг. Ундаанд хэрэглэх усны ерөнхий хатуулаг 1.5 мг/экв.л-ээс их байвал заавал зөөлрүүлнэ. Усан хангамжаас ирж буй ус нь ихэвчлэн хатуулаг ихтэй байдаг. Ус зөөлрүүлэх ажиллагааг зориулалтын материалаар технологийн ажиллагаанд тохирсон төхөөрөмжинд явуулна.
Хэрэглэх материал:
• Сульфодсоль
• Сульфижуулсан нүүрс
• Ку 1.2.3 Эдгээр материалууд нь усны найрлага дахь давсны катионуудыг сольсноор тунадас үүсэхгүй шинэ давсыг бий болгодог.

Элсэн чихэр
Сахар нь амтлаг гаж үнэргүй, гялалзсан цагаан өнгөтэй, хүнд металл агуулаагүй байх ёстой. Сахарын 0.14-0.15% нь чийг, 99.75% нь хуурай бодис үлдсэн хэсэг нь эрдэс бодис байдаг. Хайлах хэм нь 160-180 С байх ба усаа алдвал хүрэн өнгөтэй болно. Амт, үнэр, цэвэршилтийг тодорхойлохдоо 100 мл усанд 25 г сахар хийж уусмал бэлтгэн тодорхойлно. Уусмал нь өнгөгүй, тунгалаг, тунадасгүй байх ёстой.
Хүнсний хүчил Ундааны үйлдвэрлэлд нимбэгний хүчил, аскорбины хүчил, сүүний хүчил зэргийг ихэвчлэн ашигладаг. Хүчил нь амт үнэр оруулж, тогтворжилтыг сайжруулдаг.
start=-47 , cViewSize=50 , cPageCount=1

3 сэтгэгдэл:

Don`t mention it.
Duya (зочин)

Tsatsarganii shuush hiisen chini 2 honood l iseed saw ni bondoogood bna. Mashindaj awsan tsever shuusendeeree butsalsan us, baga zereg elsen chiher, nimbegnii huchil baga zergiig hiij bgaa . Usgehguugeer 7 honog hadgalah bolomj bdg u? Zuwulguu ugnu u?

сараа (зочин)

hi. heregtei medeelel bna ymar ih survaljaas oruulsan be

атх (зочин)

маш гоё

Сэтгэгдэл үлдээх



(нийтэд харагдахгүй)

(оруулах албагүй)
(HTML синтакс зөвшөөрөгдөөгүй)


(Зурган дээрх тоог оруулна уу)